ಗಂಡು:-ಅರಳಿದ ಹೂವನು ನನಗೆ ನೀಡೆಂದರೆ ಗೆಳತಿಯೇ ಚುಚ್ಚುವ ಮುಳ್ಳಾದೆ ಏತಕೆ. 

ದೇವರಮುಡಿಯಲಿ ನಗುತಿರು ಎಂದರೆ ಗೆಳತಿಯೇ ಹೋದೆ ನೀ ಹೆಣದ ಶೃಂಗಾರಕೆ.

ಹೆಣ್ಣು:-ಹೂವಾಗಲಿಲ್ಲ. ಮುಳ್ಳಂತೂ ಅಲ್ಲ.||

ವಿಧಿ ನನ್ನ ಹಣೆಯಲಿ ಎಂದು ಸುಖ ಪಡೆಯಲಿಲ್ಲ. 

ಅರಳುವ ಮುನ್ನವೇ ಗಿಡದಲಿ ಬಾಡಿದೆ. ಗೆಳೆಯನೇ ನಿನ್ನಯ ಪ್ರೀತಿ ನನ್ನ ಕಾಡಿದೆ. 

ದೇವರ ಎದೆ ಅದು ಎಂದು ಕಲ್ಲಾಗಿದೆ. ನನ್ನಯ ಬಾಳಲಿ ವಿಧಿಯಾಟ ಸಾಗಿದೆ. 

ಗಂಡು:-ನೀ ದೂರ ಹೋದೆ.

ನನ್ನ ನೋಡಧಾದೆ.||

ನನ್ನೆದೆಯ ಗೂಡಿಗೆ ಬೆಂಕಿ ಬಿದ್ದರೂ ಬರದಾದೆ. 

ಅರಳಿದ ಹೂವನು ನನಗೆ ನೀಡೆಂದರೆ ಗೆಳತಿಯೇ ಚುಚ್ಚುವ ಮುಳ್ಳಾದೆ ಏತಕೆ. //ಪಲ್ಲವಿ//

ಗಂಡು:-ನನ್ನನು ಯಾಕ ಮರೆತೋದಿ.

 ಸಿರಿ ತನಕ್ಕ ಯಾಕ ಬಲಿಯಾದಿ.

ಮುದುಕನ ಮದವಿ ಯಾಗಲು ನೀ ಮನಸ ಹ್ಯಾಂಗ ಮಾಡಿದಿ.

ಹೆಣ್ಣು:-ಹೊಡೆದ ತಾಯಂತೂ ನನಗಿಲ್ಲ. 

ತಂದೆ ಪ್ರೀತಿಯ ಗೊತ್ತಿಲ್ಲ. 

ಮಲತಾಯಿಗಂತು ಮಗಳಲ್ಲ.

ಕೇಳುವರ್ಯಾರಿಲ್ಲ. 

ಗಂಡು:-ನನ್ನೆದೆಯೂ ಬೆಚ್ಚಗಿತ್ತು. ನಿನ್ನ ದಾರಿ ಕಾಯತ್ತಿತ್ತು. 

ಅರಳಿದ ಹೂವನು ನನಗೆ ನೀಡೆಂದರೆ ಗೆಳತಿಯೇ ಚುಚ್ಚುವ ಮುಳ್ಳಾದೆ ಏತಕೆ. //ಚರಣ ೧//

ಹೆಣ್ಣು:-ನನ್ನನ್ನು ಹೆತ್ತವರನ್ನು ಉಳಿಸಿ. 

ಸಾಲದ ಶೂಲವ ಪರಿಹರಿಸಿ. 

ಕನಸಿಗೆ ಬೆಂಕಿಯ ಮಳೆ ಸುರಿಸಿ. 

ಮುದುಕನ ಜೊತೆಯಾದೆ. 

ಗಂಡು:-ಹಣದಲ್ಲಿ ಬಡವನು ನಾನಿರುವೆ. 

ನಿನ್ನನು ಪಡೆಯದೆ ಕೊರಗಿರುವೆ. 

ಸಾವಿನ ಬಾಗಿಲು ತಟ್ಟಿರುವೆ. 

ದೂರ ನಾ ಹೋಗುವೆ. 

ಹೆಣ್ಣು:-ಸ್ವರ್ಗ ನಡಿಗೆ ಸಾಗಿ ಬರುವೆ. ಅಲ್ಲಿ ನಿನ್ನ ಜೊತೆ ಸೇರುವೆ. //ಚರಣ ೨//

ಗಂಡು:-ಅರಳಿದ ಹೂವನು ನನಗೆ ನೀಡೆಂದರೆ ಗೆಳತಿಯೇ ಚುಚ್ಚುವ ಮುಳ್ಳಾದೆ ಏತಕೆ. 

ದೇವರಮುಡಿಯಲಿ ನಗುತಿರು ಎಂದರೆ ಗೆಳತಿಯೇ ಹೋದೆ ನೀ ಹೆಣದ ಶೃಂಗಾರಕೆ.

ಹೆಣ್ಣು:-ಹೂವಾಗಲಿಲ್ಲ. ಮುಳ್ಳಂತೂ ಅಲ್ಲ.||

ವಿಧಿ ನನ್ನ ಹಣೆಯಲಿ ಎಂದು ಸುಖ ಪಡೆಯಲಿಲ್ಲ. 

ಅರಳುವ ಮುನ್ನವೇ ಗಿಡದಲಿ ಬಾಡಿದೆ. ಗೆಳೆಯನೇ ನಿನ್ನಯ ಪ್ರೀತಿ ನನ್ನ ಕಾಡಿದೆ.